Bevor ich uf mini Wältreis chan, hanich da i dä Schwiiz no so einiges ds erledige. Under anderem wär da hüt ufem Programm gstande:
Velotour mit Schwester und Papi von Uerikon nach Schmerikon
Am 2 simmer (ich und mis Schwöschi) in Uerikä losgradlet und im Affetempo bis uf Rappi düset. Det acho hämmer dänn euse Paperl troffe. De Papi us Rappi (haha, han i dä Witzchischte übernachtet :-)
Ganz gmüetlich simmer dänn richtig Schmerikä ufbroche. Und wänn ich gmüetlich säge, mein ich au gmüetlich. Mir händ nämlich all paar Meter wider müese ahalte zum es schöns Fötteli vo dä Schwiiz ds schüsse. Mir sind sogar so gmüetlich unterwägs gsi das eus en Wanderer immer wider überholt hät. Jaja so chans eim ga. Nach eme wiili simmer dänn in Schmerikä acho. Det simmer no eis go pröschtle und dänn wider hei go Fisch 
ässe und Blog schriibe. Und da wäri jetz. Isch en supi schöne Tag gsi mit mega Wätter und s Resultat vo dem Tag sind ganz vill schöni Bildli wonich chan mit uf mini Wältreis ne zum de Lüüt i de Ferni die schöni Schwiiz zeige.
Keine Kommentare:
Kommentar veröffentlichen